Նուռվինդ Դուդուկի Ընկերություն
ՄենյուԳնել Առցանց
Dear valued customer,
Ես Մանվել Մնացականյանն եմ, ով ավելի քան քառասուն տարի կյանքը նվիրաբերել է դուդուկագործության պատվաբեր արվեստին: 1977թ-ին Ռոմանոս Մելիքյանի անվան երաժշտական ուսումնարանն ավարտելուց ի վեր, որպես մենակատար դուդուկահար, նվագում եմ Հայաստանի Պետական ժողգործիքների անսամբլում, Հայաստանի Պետական գուսանական անսամբլում և <<Դուդուկներ>> անսամբլում: 1985թ-ին վարպետ Գեորգի Մինասյանից սովորել եմ դուդուկի ղամիշ պատրաստելու նրբությունները: Կարճ ժամանակ անց, հմտանալով դուդուկի կերտման արվեստի մեջ, սկսել եմ ինքնուրույն պատրաստել իմ սեփական գործիքները և արդյունքում արդեն իմ պատրաստած գործիքներով են նվագում Հայաստանի հանրաճանաչ դուդուկահարները՝ վարպետ Ջիվան Գասպարյանը, Գեորգի Մինասյանը, Գևորգ Դաբաղյանը, Եղիշե Մելիքյանը և շատ ուրիշներ: 2004թ-ից էլ սկսել եմ վաճառել իմ նվագարանները նաև կոմերցիոն եղանակով:
2004թ-ից ի վեր ինձ հետ աշխատող վարպետ մասնագետների հետ միասին դուդուկի որակը հասցրել ենք որակապես ամենաբարձր մակարդակի: Դուդուկի ինտոնացիոն, տոնայնության և հնչողության բազմաթիվ փոփոխությունների շնորհիվ է, որ ՆՈՒՌՎԻՆԴ-ի դուդուկները դարձել են այժմյան շուկայի միակ և առաջատար պրոֆեսիոնալ գործիքները: Յուրաքանչյուր գործիք կարող է ծառայել նույնիսկ ամենաքմահաճ կատարողի ցանկություններին և երաշխավորում է որակապես ամենաբարձր ստանդարտի հնչողությունը:
Ստորև կարող եք նկարներով ծանոթանալ մեր նոր Դուդուկների տեսականուն և ցանկության դեպքում էլ, թարթում կատարելով մեր Reverb խանութի առաջարկի հղման վրա, գնումներ կատարել նաև վերը նշված կայքից: Միշտ ուրախ և պատրաստակամ եմ աջակցել ցանկացած հարցումի և ցանկության դեպքում էլ խորհրդատվություն իրականացնել: